ბელარუსი ფოტოგრაფი ალექსანდრ შიშკო 11 აპრილს, მინსკის აეროპორტში, თბილისიდან დაბრუნების შემდეგ დააკავეს. ამის შესახებ ინფორმაციას პროექტი „დისიდენტბი“ ავრცელებს და ინფორმაცია ადამიანის უფლებათა დამცველმა რომან კისლიაკმაც დაადასტურა.

მისი თქმით, შიშკო 2022 წლიდან თბილისში ცხოვრობდა და, სავარაუდოდ, დაბრუნებისას დაკავების რისკი არასაკმარისად შეაფასა. 2024 წლის თავისუფლების დღის შემდეგ, მისი სახელი ბელარუსულ პროპაგანდისტულ მასალებში გამოჩნდა და ამ საქმესთან დაკავშირებით ბელარუსში ჩხრეკა ჩატარდა.

თავისუფლების დღე (25 მარტი) 1918 წელს ბელორუსის სახალხო რესპუბლიკის დამოუკიდებლობის გამოცხადებას უკავშირდება და ოპოზიციური მოძრაობის სიმბოლოდ ითვლება.

ბელორუსის ხელისუფლება რეგულარულად აფრთხილებს საზღვარგარეთ საპროტესტო აქციებში მონაწილეობისთვის შესაძლო სისხლის სამართლის დევნის შესახებ. ადამიანის უფლებათა დამცველების თქმით, ქვეყანაში დაბრუნებული მოქალაქეების სასაზღვრო დაკავებები და დაკითხვები რამდენიმე წელია მიმდინარეობს.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე