კოალიციამ თავისი თავი ნელ-ნელა ამოწურა და ყველა თავის ბარგი-ბარხანით გაუდგება გზას არჩევნებისკენ, - ამის შესახებ საპარლამენტო უმრავლესობის ერთ-ერთმა ლიდერმა ნუკრი ქანთარიამ განაცხადა. 

მისივე თქმით, უმჯობესია ყველა მათგანი არჩევნებისკენ მიმავალ გზას დამოუკიდებლად გაუდგეს.

"კოალიციამ თავისი თავი ნელ-ნელა ამოწურა და ყველა თავის ბარგი-ბარხანით გაუდგება გზას არჩევნებისკენ, რაც საზოგადოებისთვის იქნება კარგი, იმიტომ, რომ მისთვის ადვილი იქნება არჩევანის გაკეთება", - განაცხადა ქანთარიამ.

2016 წლის არჩევნებში "ქართული ოცნების" დამოუკიდებლად მონაწილეობას პარტიის წარმომადგენლები დადებითად აფასებენ. მმართველი გუნდის წევრებს მიაჩნიათ, რომ განსხვავებული აზრი პარტიაში არ უნდა ფიგურირებდეს. პარტიის ერთ-ერთი ლიდერის თამაზ მეჭიაურის განცხადებით, არჩევნებში დამოუკიდებლად მონაწილეობის შემთხვევაში, კოალიციაში შემავალი ყველა სუბიექტი გაიგებს თუ რა მხარდაჭერა აქვს საზოგადოებაში.

„იმიტომ არის კარგი, რომ თვითონ ქართული ოცნება გაიგებს რა მხარდაჭერა აქვს რეალურად მოსახლეობიდან. მეორეც მისცემენ მას ხმას მხოლოდ იმ პროგრამის შესაბამისად და იმ საარჩევნო სიის შესაბამისად, რომლითაც ის წარდგება არჩევნებზე. არც მოემატება და აღარც დააკლდება სხვა სუბიექტების დადებითი თუ უარყოფითი რეიტინგი. ასევე სხვა პარტიებსაც ეძლევათ საშუალება თვითონ პირისპირ წარსდგნენ ამომრჩეველთან და მათაც გაიგონ რეალურად რა მხარდაჭერა აქვთ“, - განაცხადა თამაზ მეჭიაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი