ბრალდების მხარე პაპიძის ჯანმრთელობის მდგომარეობის შესახ ცნობისა და ფოტოსურათების დაუშვებლობას ითხოვს

2016-03-31 13:55:53, 707 ნახვა

სამართალი

ბრალდების მხარემ მეუღლისა და შვილის მკვლელობაში ბრალდებული მაგდა პაპიძის ადვოკატების მიერ წარმოდგენილი მტკიცებულებების დაუშვებლობასთან დაკავშირებით შუამდგომლობა დააყენა.

კერძოდ, პროკურატურის წარმომადგენლის განცხადებით, დაუშვებლად უნდა იქნას ცნობილი ბრალდებულ მაგდა პაპიძის ჯანმრთელობის მდგომარეობის ცნობა, რომელიც პაპიძის განცხადების საფუძველზე ( ფიზიკურ ძალადობაზე) პენიტენციურ დაწესებულებაში ყოფნის პერიოდშია გაკეთებული, და ფოტოსურათები.

საუბარია დაცვის მხარის მიერ წარმოდგენილ შემთხვევის ადგილის პირველადი დათვალიერების ფოტოებზე, რომელზეც სისხლის ლაქა არაა აღბეჭდილი.

მოსამართლეს აღნიშნულ შუამდგომლობაზე გადაწყვეტილება ჯერ არ გამოუცხადებია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან