თურქეთის ეროვნული თავდაცვის სამინისტროს განცხადებით, ირანიდან გაშვებული ბალისტიკური ტიპის რაკეტა, რომელიც თურქეთის საჰაერო სივრცეში შევიდა, ნატოს საჰაერო და სარაკეტო თავდაცვის სისტემებმა გაანეიტრალეს.

სამინისტროს ინფორმაციით, ინციდენტი აღმოსავლეთ ხმელთაშუა ზღვის რეგიონში განთავსებული ნატოს თავდაცვის სისტემების ჩარევის შედეგად დასრულდა და რაკეტა წარმატებით იქნა განეიტრალებული.

რაკეტის ნაწილები თურქეთის ქალაქ გაზიანთეპის ტერიტორიაზე, დაუმუშავებელ მიწაზე ჩამოვარდა. ოფიციალური ინფორმაციით, შემთხვევას მსხვერპლი ან დაშავებულები არ მოჰყოლია.

თურქეთის თავდაცვის სამინისტრომ აღნიშნა, რომ ქვეყანა დიდ მნიშვნელობას ანიჭებს რეგიონულ სტაბილურობასა და კეთილმეზობლურ ურთიერთობებს, თუმცა ხაზგასმით აცხადებს, რომ თურქეთის ტერიტორიისა და საჰაერო სივრცის წინააღმდეგ მიმართულ ნებისმიერ საფრთხეზე შესაბამისი ზომები დაუყოვნებლივ იქნება მიღებული.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი