აშშ-ის შეიარაღებული ძალების გენერალური შტაბის უფროსმა, გენერალმა დენ კენიმ პენტაგონში თავდაცვის მდივან პიტ ჰეგესთან ერთობლივ ბრიფინგზე აშშ-ისრაელის ერთობლივი ოპერაციის დაწყების დღიდან ირანის მიერ რაკეტებისა და დრონების გაშვების მნიშვნელოვან შემცირებაზე ისაუბრა.

მან ჟურნალისტებს უთხრა, რომ ირანის მიერ მოკლე ან საშუალო რადიუსზე მოქმედი ბალისტიკური რაკეტების გასროლა საბრძოლო მოქმედებების პირველ დღესთან შედარებით - 86%-ით შემცირდა, ბოლო 24 საათის განმავლობაში კი - 23%-ით შემცირდა.

ამასთან, თქვა, რომ ირანის მხრიდან ცალმხრივი თავდასხმისას დრონების გასროლა 73%-ით არის შემცირებული.

მან ასევე თქვა, რომ ოპერაციას სამი სამხედრო მიზანი აქვს - ირანის ბალისტიკური რაკეტების საფრთხის ნეიტრალიზება, ირანის საზღვაო ფლოტის შესუსტება ან განადგურება და ირანის სამხედრო შესაძლებლობების სწრაფად აღდგენის თავიდან აცილება.

გენერალის თქმით, აშშ-მა ოპერაციის ფარგლებში 2 000-ზე მეტ სამიზნეს დაარტყა და 20-ზე მეტი ირანული საზღვაო ხომალდი გაანადგურა, რამაც დიდწილად გაანეიტრალა ირანის ძირითადი საზღვაო საბრძოლო ძალები.

"ამ პროგრესმა CENTCOM-ს საშუალება მისცა, ირანის სანაპიროს სამხრეთ ფლანგზე ლოკალური საჰაერო უპირატესობა დაემყარებინა" - თქვა გენერალმა და დასძინა, რომ ამჟამად "ქვეყნის შიგნით გაფართოებას" დაიწყებენ და ეტაპობრივად უფრო ღრმად დაარტყამენ ირანის ტერიტორიას. 

მან ასევე ხაზი გაუსვა, რომ აშშ-ის სამხედროებს ოპერაციის მხარდასაჭერად საკმარისი ზუსტი საბრძოლო მასალა აქვთ, თუმცა უსაფრთხოებიდან გამომდინარე, კონკრეტულ რაოდენობაზე არ ისაუბრა.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს