„ქართული ოცნების“ პარლამენტის წევრი და საგარეო ურთიერთობათა პარლამენტის კომიტეტის თავმჯდომარე ნიკოლოზ სამხარაძე შეხვდა სახელმწიფო დეპარტამენტის ევროპისა და ევრაზიის საკითხთა ბიუროს ხელმძღვანელს, ბრენდან ჰანრაჰანს.

„ბრენდან ჰანრაჰანთან შესანიშნავი აზრთა გაცვლა შედგა საქართველო-აშშ-ს ურთიერთობებზე - რუსეთის მიერ ტერიტორიების ოკუპაციით გამოწვეული საფრთხეებზე, შავი ზღვის რეგიონში უსაფრთხოების საკითხებზე, შუა დერეფანზე/TRIPP-ზე (ტრამპის მარშრუტი - რედ.) და ორმხრივ ეკონომიკურ თანამშრომლობაზე“, - წერს პოლიტიკოსი.

შეგახსენებთ, რომ ქართული დელეგაცია ვაშინგტონში აშშ-ის კონგრესმენის მოწვევით იმყოფებოდა „სუვერენული ერების ალიანსის“ ფორუმში მონაწილეობის მისაღებად.

ადრე, დელეგაციის ხელმძღვანელმა ნიკოლოზ სამხარაძემ ხაზგასმით აღნიშნა, რომ მთავარი მიზანი ვაშინგტონთან ურთიერთობების გადატვირთვაა და არა მხოლოდ სტრატეგიული პარტნიორობის აღდგენა და „მისი უფრო მეტი შინაარსით შევსება, ვიდრე ადრე იყო“.

შეგახსენებთ, რომ 8 თებერვალს, ტელეკომპანია „იმედის“ ეთერში, საქართველოს მეექვსე პრეზიდენტმა, მიხეილ ყაველაშვილმა, ისაუბრა აშშ-ის ვიცე-პრეზიდენტ ჯ.დ. ვენსთან შეხვედრასა და მოკლე საქმიან საუბარზე, რომლის დროსაც ამერიკელმა პოლიტიკოსმა განაცხადა, რომ ის კარგად იყო ინფორმირებული საქართველოს შესახებ და ურთიერთობებს განაახლებს. მან ასევე აღნიშნა, რომ ამერიკელმა ვიცე-პრეზიდენტმა „თბილად“ ისაუბრა საქართველოზე და შეაქო სრულიად საქართველოს პატრიარქი. მან ისაუბრა ტრადიციებსა და ოჯახის სიწმინდის დღესთან დაკავშირებით, რომელიც საქართველოში 17 მაისს აღინიშნება.

ავტორი: ექსპრესნიუსი,

სოციალური ქსელები

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია