ევროპარლამენტარი კრშიშტოფ ბრეიზა მოუწოდებს ევროკომისიას, შეაფასოს და გააანალიზოს კრემლის პროპაგანდის მიერ ევროკავშირის კანდიდატ ქვეყანაში შექმნილი საფრთხე. პოლონელი ევროპარლამენტარი აცხადებს, რომ საკითხი სცილდება ერთი ქვეყნის შიდა მედია გარემოს და პირდაპირ კავშირშია ევროკავშირის გაფართოების პროცესის სანდოობასთან.

„დიდი ბრიტანეთის გადაწყვეტილება „იმედისა“ და „პოსტ ტელევიზიის“ მიმართ სანქციების დაწესების შესახებ მნიშვნელოვან პრეცედენტს ქმნის რუსეთის ფარგლებს გარეთ ინფორმაციის მანიპულირებისა და ჩარევის წინააღმდეგ ბრძოლაში. საქართველო ევროკავშირის კანდიდატი ქვეყანაა და შესაბამისად, კავშირს განსაკუთრებული პასუხისმგებლობა აკისრია, დაიცვას თავისი მდგრადობა გარე ჩარევის მიმართ და უზრუნველყოს ევროკავშირის ღირებულებების, ასევე საერთო საგარეო და უსაფრთხოების პოლიტიკის მიზნების დაცვა.

კანდიდატ ქვეყანაში პრორუსული ნარატივების სისტემატური გავრცელება პირდაპირ გავლენას ახდენს გაფართოების პროცესის სანდოობაზე. ამ კონტექსტში:

აფასებს თუ არა ევროკომისია, ევროკავშირის საგარეო მოქმედების სამსახურთან ერთად, დიდი ბრიტანეთის გადაწყვეტილების საფუძვლებსა და მტკიცებულებებს იმის დასადგენად, შეიძლება თუ არა ასეთი სიების განხილვა ევროკავშირის შემზღუდავი ზომების ნაწილად?

რა ინსტრუმენტების გამოყენებისთვის არის მზად კომისია, როდესაც კანდიდატ ქვეყნებში მედია ხელს უწყობს რუსეთის ჩარევას?
როგორ აპირებს კომისია ასეთ შემთხვევაში უზრუნველყოს თავისი საერთო საგარეო და უსაფრთხოების პოლიტიკის დაცვა?

ავტორი: ექსპრესნიუსი,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად