ესტონეთის საგარეო საქმეთა მინისტრმა მარგუს ცახნამ განაცხადა, რომ რუსეთსა და ნატო-ს, ასევე რუსეთსა და ევროკავშირს შორის „ნაცრისფერი ხანა“ ყოველთვის იყო „მწვანე შუქი“ რუსული აგრესიისთვის. მისი თქმით, მსოფლიომ ეს თავისთავად დაინახა 2008 წლის აგვისტოში საქართველოში.

ცახნამ აღნიშნა, რომ 24 თებერვალს ესტონეთი აღნიშნავს დამოუკიდებლობის 108-ე წლისთავს, რომელიც ქვეყანამ „რუსეთთან ომში მოიპოვა, საიდანაც გამარჯვებული გამოვედით“.

ესტონელმა პოლიტიკოსმა განაცხადა, რომ ევროკავშირსა და ნატოში გაწევრიანების გარეშე, ის აქ თავისუფალი ქვეყნის წარმომადგენლად არ იდგებოდა, რადგან „ნატო-ს, ევროკავშირსა და რუსეთს შორის ნაცრისფერი ხანა ყოველთვის იყო მწვანე შუქი რუსული აგრესიისთვის“.

„ეს ჩვენ 2008 წელს საქართველოში ვნახეთ. ხვალ ასევე აღვნიშნავთ უკრაინის წინააღმდეგ სრულმასშტაბიანი ომის მეოთხე წლისთავს. თუმცა, ეს ომი 2014 წელს დაიწყო. რასაც ჩვენ ვხედავთ არის ის, რომ პუტინმა საერთოდ არ შეცვალა თავისი მიზანი და სულ უფრო მეტ თავდასხმას ახორციელებს მშვიდობიან მოსახლეობაზე. როგორც უკვე ვთქვი, ეს ნაცრისფერი ზონები, ნეიტრალიტეტი და რასაც არ უნდა ვუწოდოთ მას, პუტინისთვის მხოლოდ მწვანე შუქია გასაგრძელებლად“, - განაცხადა ესტონეთის საგარეო საქმეთა მინისტრმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან