„სისხლის სამართლის კოდექსში შემოთავაზებული ცვლილებები წარმოადგენს კიდევ ერთ სერიოზულ ნაბიჯს პარტია „ქართული ოცნების“ მიერ ავტორიტარული შემობრუნებისკენ, რომელიც პირდაპირ არღვევს საქართველოს კონსტიტუციას და საერთაშორისო ადამიანის უფლებების კანონმდებლობას და მნიშვნელოვნად ჰგავს რეგიონში სხვა ავტორიტარული სახელმწიფოების კანონმდებლობას“, - ნათქვამია სოციალური სამართლიანობის ცენტრში (SCJ) გავრცელებულ განცხადებაში, რომელიც ეხებოდა „გრანტების შესახებ“ კანონსა და სისხლის სამართლის კოდექსში შეტანილ ცვლილებებს, კერძოდ, „ქართული ოცნების“ მთავრობის არაღიარებისთვის სასჯელების შემოღებას.

„ქართული ოცნების“ მიერ არჩეული საკანონმდებლო გზა აშკარად აჩვენებს სისხლის სამართლის ბოროტად გამოყენებისა და პოლიტიზირების სურვილს და ქმნის თვითნებური დასჯის მაღალ რისკს განსხვავებული პოლიტიკური შეხედულებების მქონე პირებისთვის.

მსგავსი ბუნდოვანი „ანტიექსტრემისტული“ ნორმები სხვა ქვეყნებში უკვე გახდა პოლიტიკური სივრცის შეზღუდვის ინსტრუმენტი. შემოთავაზებული პროექტი ქმნის საფრთხეს, რომ საქართველოში სისხლის სამართლის კანონმდებლობა გამოყენებული იქნება არა უფლებების დასაცავად, არამედ პოლიტიკური კონტროლის ინსტრუმენტად.“

ის ფაქტი, რომ კონსტიტუციური ორგანოების არაღიარება სისხლის სამართლის დანაშაულად იქცევა და სამ წლამდე თავისუფლების აღკვეთით დაისჯება, 16 თებერვალს პარლამენტის იურიდიული კომიტეტის სხდომაზე გამოცხადდა, სადაც მეორე მოსმენით განიხილებოდა „გრანტების შესახებ“ და „პოლიტიკური პარტიების შესახებ“ კანონებში ცვლილებები.

ავტორი: ექსპრესნიუსი,

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები