ვენესუელის პრეზიდენტის, მადუროს დამხობის შემდეგ, ტრამპის ადმინისტრაციამ მკვეთრად გაზარდა კუბაზე ზეწოლა და წლის ბოლომდე კომუნისტური რეჟიმის შეცვლას განიხილავს. ამის შესახებ The Wall Street Journal იტყობინება აშშ-ის ადმინისტრაციისა და სადაზვერვო სამსახურების წყაროებზე დაყრდნობით.

გამოცემის ცნობით, ვაშინგტონი მიიჩნევს, რომ კუბის ეკონომიკა „კოლაფსის ზღვარზეა“ მთავარი მოკავშირის, ვენესუელას დაკარგვის შემდეგ. ამერიკის ხელისუფლება აქტიურად ეძებს „ინსაიდერებს“ კუბის ისტებლიშმენტში, რომლებსაც შეუძლიათ აშშ-სთან გარიგების დადება და მმართველობის ამჟამინდელი სისტემის დემონტაჟის ხელშეწყობა.

როგორც The Wall Street Journal აღნიშნავს, თეთრ სახლს არ აქვს სამხედრო ჩარევის პირდაპირი გეგმა, მაგრამ კარაკასში მადუროს დაკავების ბოლოდროინდელი ოპერაცია ჰავანისთვის სიგნალად აღიქმება. ერთ-ერთმა მაღალჩინოსანმა განაცხადა, რომ ეს ოპერაცია კუბისთვის „როგორც გეგმად, ასევე გაფრთხილებად“ უნდა იქცეს.

გამოცემა ასევე აღნიშნავს, რომ აშშ აპირებს ვენესუელის ნავთობის მიწოდების შეწყვეტას, რომლის გარეშეც კუბა ვერ შეძლებს თავისი ენერგეტიკული სისტემის შენარჩუნებას. ეკონომისტების შეფასებით, საწვავის მარაგი შესაძლოა „რამდენიმე კვირაში“ ამოიწუროს, რაც ეკონომიკის სრულ დახურვას გამოიწვევს. ვაშინგტონი ასევე კუბის სამედიცინო მისიებს საზღვარგარეთ უმიზნებს, რაც ჰავანას ვალუტის მთავარი წყაროა.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა