22 მარტს,  ქუთაისში, 12080 კგ ფერადი ლითონის ჯართის კანონდარღვევით ტრანსპორტირების ფაქტი გამოავლინდა. კერძოდ, არადეკლარირებული ტვირთი შემოსავლების სამსახურის  მონიტორინგის  დეპარტამენტის  ოფიცრებმა  დაფის მარკის ავტომანქანის გადამოწმებისას, აღმოაჩინეს, რომელიც  შპს „ლ-ი“  სამეწარმეო საქმიანობისთვის განკუთვნილი საქონლის - ფერადი ლითონის ჯართის ტრანსპორტირებას ახორციელებდა.

" ელექტრონული ზედნადების მიხედვით,  ავტომანქანაზე განთავსებული ტვირთის წონა  6 ტონა უნდა ყოფილიყო.  სასაქონლო ექსპერტიზის დასკვნით, ჯართის საერთო წონამ 18080 კგ შეადგინა. შესაბამისად,  დადგინდა, რომ   შპს „ლ-ი“-ს მიერ ხდებოდა 12080 კგ ფერადი ლითონის ჯართის ტრანსპორტირება სასაქონლო ზედნადების გარეშე. შემოსავლების სამსახურის საგადასახადო მონიტორინგის დეპარტამენტის ექსპერტიზის განყოფილების მიერ ჩატარებული სასაქონლო ექსპერტიზის დასკვნის მიხედვით, სპილენძის საბაზრო-საორიენტაციო ღირებულება შეადგენს 1 კგ-ზე 9 ლარს, შესაბამისად სასაქონლო ზედნადების გარეშე ტრანსპორტირებული საქონლის 12080 კგ ჯართის ღირებულებამ შეადგინა 108720 ლარი.
საქმის მასალები გადაეცა საქართველოს ფინანსთა სამინისტროს საგამოძიებო სამსახურს. ავტომანქანა ტვირთთან ერთად  გადაყვანილ იქნა მომსახურების სააგენტოს საწყობის ტერიტორიაზე",-ნათქვამია სსიპ შემოსავლების სამსახურის მიერ გავრცელებულ ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ

ბრიტანეთის თავდაცვის მინისტრი გადადგა

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით