"„Charlie Hebdo“-ს რედაქციაზე თავდასხმა საფრანგეთის წინააღმდეგ მიმართული ტერორისტული აქტია“, - ამის შესახებ საფარანგეთის პრეზიდენტმა ფრანსუა ოლანდმა განაცხადა.

მისი თქმით, თავდამსხმელები არა მხოლოდ რედაქციას, არამედ საფრანგეთის რესპუბლიკის ფუძემდებლურ პრინციპებს დაესხნენ თავს.

ოლანმდა თავდამსხმელების პოვნის და დასჯის პირობა დადო.

ამასთან, საფრანგეთის პრეზიდენტის თქმით, ბოლო რამდენიმე კვირის განმავლობაში, ფრანგულმა სპეცსამსახურებმა რამდენიმე ტერორისტული აქტი აღკვეთეს.

დღესვე, საფრანგეთის მთავრობის საგანგებო სხდომა გაიმართება, რომელიც მომხდარ ტრაგედიას მიეძღვნება.

შეგახსენებთ, პარიზში ჟურნალ „Charlie Hebdo“-ს რედაქციის თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია.

არსებული ინფორმაციით, რედაქციას თავს ორი ნიღბიანი ადამიანი ავტომატებით  დაესხა და იქ მომუშავე პერსონალს ცეცხლი გაუხსნა.

ცნობილია, რომ  ჟურნალ „Charlie Hebdo“-მ ინციდენტამდე ერთი საათით ადრე  ტვიტერის ოფიციალურ გვერდზე  "ისლამური სახელმწიფოს" ლიდერის აბუ ბაკრ ალ-ბაღდადის კარიკატურა გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა