საფრანგეთის პრეზიდენტის ფრანსუა ოლანდის განცხადებით, მიუხედავად იმისა, რომ ბრიუსელსა და პარიზში განხორციელებული ტერაქტების უკან მდგარი ტერორისტების ქსელის განადგურება მიმდინარეობს, ტერორიზმის საფრთხე ჯერ კიდევ არსებობს.

ამის შესახებ ინფორმაციას Euronews ავრცელებს.

"ჩვენ ვიცით, რომ კიდევ არის სხვა ქსელები. მაშინაც კი, როდესაც პარიზსა და ბრიუსელში განხორციელებული თავდასხმების უკან მდგარი ტერორისტების განადგურების პროცესი მიმდინარეობს, საფრთხე კვლავ რჩება", - განაცხადა ოლანდმა.

აღნიშნული განცხადება საფრანგეთის პრეზიდენტმა მას შემდეგ გააკეთა, რაც ქვეყნის პოლიციამ ეროვნებით ფრანგი რედა კრიკეტი დააკავა, რომელიც გავრცელებული ინფორმაციით, თავდასხმის განხორციელებას გეგმავდა. საფრანგეთის შინაგან საქმეთა მინისტრის ბერნარდ გაზნიოვის თქმით, დაკავებულს კავშირი აქვს ბრიუსელის და პარიზის ტერაქტების ორგანიზატორებთან.

რედა კრიკეტი კავშირში იყო აბდელჰამიდ აბაუიდთან, რომელიც პარიზის ტერაქტის ერთ-ერთი მთავარი ორგანიზატორი იყო და ის სპეცოპერაციის დროს სამარტალდამცველებმა მოკლეს.

მისი დაკავების შემდეგ საფრანგეთის პოლიციამ სპეცოპერაცია ქალაქ არჟენტეუილშიც ჩაატარა. ცნობისთვის, ბრიუსელის ტერაქტების შემდეგ ევროპის არაერთ ქალაქში უსაფრთხოების ზომები გამკაცრებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან