რუსული გამოცემის, „კომერსანტის“ ინფორმაციით, რუსეთის რეგიონებში რეზერვისტების მასობრივი გაწვევა დაიწყო. მედიის ცნობით,  ისინი კრიტიკულად მნიშვნელოვან ობიექტებს დაიცავენ.

როგორც „კომერსანტი“ წერს, შესაბამისი სამუშაოები უკვე დაწყებულია რუსეთის ფედერაციაში შემავალ 20-ზე მეტ სუბიექტში.

გამოცემის ცნობით, რეზერვისტების სპეციალიზებული დანაყოფების ფორმირება რუსეთის პრეზიდენტის მიერ შესაბამისი განკარგულების ხელმოწერამდე დაიწყო. როგორც მედია წერს, მაგალითად, ნავთობის ობიექტების დასაცავად რეზერვისტების შეკრება თათრეთში ოქტომბერში დაიწყო, ხოლო ნოემბრის დასაწყისში პირველმა დანაყოფმა უკვე დაიწყო წვრთნები.

რეზერვისტების მომზადება უკვე დაწყებულია ბიჟეგოროდის ოლქშიც. „კომერსანტის“ ინფორმაციით, ახალ კანონში არ არის ჩანაწერი იმის შესახებ, რომ რეზერვისტები მხოლოდ საკუთარ რეგიონში იმსახურებენ.

ცნობისთვის, რუსეთის პრეზიდენტის მიერ 4 ნოემბერს ხელმოწერილი კანონი საშუალებას იძლევა, რეზერვისტების შეკრება მშვიდობიან პერიოდშიც მოხდეს. ეს კანონი ვრცელდება იმ ადამიანებზე, რომლებიც მოხალისეობრივად დათანხმდნენ რეზერვში ყოფნას.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს