ქართული ოცნების არალეგიტიმური პარლამენტის დეპუტატი ლევან მაჭავარიანი ამბობს, რომ არ იცის, ვინ არის საკონსტიტუციო სასამართლოს ყოფილი თავმჯდომარე და ამჟამად იუსტიციის მინისტრის მოადგილის პოსტზე მყოფი მერაბ ტურავა.

ჟურნალისტმა მას მერაბ ტურავას KriPoz-ის (კრიმინალური პოლიტიკის ჟურნალის) საერთაშორისო რედაქტორების სიიდან ამოღებასთან დაკავშირებით დაუსვა კითხვა, რაზეც ლევან მაჭავარიანმა თქვა, რომ "წარმოდგენა არ აქვს ამ თემაზე".

"ვინ არის, [მერაბ ტურავა] ბოდიში? მართლა არ ვიცი, წარმოდგენა არ მაქვს მაგ თემის და რა კომენტარი გავაკეთო. იმდენად წარმოდგენა არ მაქვს მაგ თემაზე, რომ კომენტარს არ ვაკეთებ ხოლმე, თუ საერთოდ არ ვიცი თემა. ანუ, არც ეგ პიროვნება არ ვიცი. მე ნამდვილად არ ვიცი მერაბ ტურავა რატომ ამოიღეს რედაქტორობიდან. არ ვიცი, მართლა", - თქვა მან. 

საკონსტიტუციო სასამართლოს ყოფილი თავმჯდომარე და ამჟამად იუსტიციის მინისტრის მოადგილის პოსტზე მყოფი მერაბ ტურავა KriPoz-ის (კრიმინალური პოლიტიკის ჟურნალის) საერთაშორისო რედაქტორების სიიდან ამოიღეს - გადაწყვეტილების კონკრეტული მიზეზები საჯაროდ არ არის ცნობილი.

"ქართველი იურისტებისთვის მერაბ ტურავას გადაყენება მკაფიო სიგნალი უნდა იყოს, რომ მათ დაიკავონ კანონისა და სამართლიანობის მხარე“ - აღნიშნული იყო Tiflis24-ის მიერ გამოქვეყნებულ სტატიაში.

ავტორი: ექსპრესნიუსი,

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა