კარასინი ისევ აქებს ოცნებას, ამბობს, რომ "საქართველო გაიზარდა, წყნარად რეაგირებს ინტრიგებზე"

2025-10-06 18:53:04, 1211 ნახვა

პოლიტიკა

რუსეთის ფედერაციის საბჭოს საერთაშორისო ურთიერთობების კომიტეტის ხელმძღვანელი გრიგორი კარასინი ქართული ოცნების ხელისუფლების ნაბიჯებს კვლავ აქებს.

ის ამტკიცებს, რომ საქართველოში "მაიდნის გამეორების მცდელობები - სრულად ჩავარდა" და ამბობს, რომ - "საქართველო გაიზარდა, ფეხზე წამოდგა და წყნარად რეაგირებს ყველა ამ ჩანაფიქრებსა და ინტრიგებზე".

"საქართველოში მაიდნის გამეორების მცდელობები ხალხის აბსოლუტური უმრავლესობის წინააღმდეგ, რომელმაც აირჩია ის, ვისი არჩევაც სურდა - სრულად ჩავარდა. მაიდნის პოლიტიკური ტექნოლოგიები წარსულს ჩაბარდა და ძალიან მალე უნდა გაიგონ მათაც, ვინც მათ აორგანიზებს. საქართველო გაიზარდა, ფეხზე წამოდგა და წყნარად რეაგირებს ყველა ამ ჩანაფიქრებსა და ინტრიგებზე. ეს უნდა აღვნიშნოთ", - ამბობს ის.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,