აშშ-ის  ევროპული  სარდლობის მეთაურის  გენერალ ფილიპ ბრიდლავის შეფასებით, ტერორიზმთან გასამკლავებლად, ქვეყნებს შორის  სადაზვერვო  ინფორმაციის გაცვლის კუთხით,  თანამშრომლობა უნდა გაუმჯობესდეს.

ამის შესახებ მან საქართველოს თავდაცვის სამინისტროში, მინისტრ თინა ხიდაშელთან შეხვედრის შემდეგ გამართულ ერთობლივ პრესკონფერენციაზე,  გუშინ ბელგიაში განხორციელებულ  ტერორისტულ აქტებთან დაკავშირებით განაცხადა.

ფილიპ ბრიდლავმა დაგმო ბრიუსელში მომხდარი ტერორისტული აქტები, რომლის შედეგადაც ათობით ადამიანი დაიღუპა და დაშავდა.

"პირველ რიგში, მინდა, შევუერთდე იმ მრავალ ადამიანს, რომელმაც ამ ორი დღის განმავლობაში უკვე   ეს შეტევებიდაგმო.  ეს იყო ნამდვილად წარმოუდგენელი რამ,  რაც მხოლოდ  დაგმობას არ საჭიროებს, ვინაიდან უდანაშაულო სამოქალაქო პირები დაზარალდნენ, დაზარალებულთა შორის იყვნენ ჩვბნი სამხედროების ოჯახის წევრებიც. ჩვენ ვლოცულობთ მათთვის, ვინც დაზარალდა, ან მათი სულებისთვის,  ვინც დაიღუპა   გუშინდელი ტრაგედიის დროს. რაც შეეხება თავად  კითხვას,  თუ რა უნდა გაკეთდეს, სამხედრო  თვალსაზრისით, ჩვენ ნამდვილად უნდა გავაუმჯობესოთ  ჩვენი თანამშრომლობა ინფორმაციის გაცვლის კუთხით. ერთნაირად მოაზროვნე  სახელწმიფოებმა და ქვეყნებმა  უკეთ უნდა ითანამშრომლონ იმისათვის, რომ მოხდეს ტერორიზმთან  გამკლავება და უკეთ  უნდა მხოდეს შეკავება იმ ტერორისტებისა  და უცხოელი მებრძოლების დაბრუნებისა ჩვენს ქვეყნებში. ამ მხრივ, სადაზვერვო ინფორმაციის გაცვლა  არის უპირველესი მნიშვნელობის, მეორეს მხრივ, სახელწმიფოთა ჯგუფმა,  ვინც არ იღებს  ტერორიზმს  და ვინც წინააღმდეგია ამის,  უნდა გააერთიანოს ძალისხმევა იმისთვის, რომ ფესვში მოხდეს ამოძირკვა  ტერორიზმის  საფრთხის.  პირველ რიგში,  უნდა მოხდეს რეაგირება იმ საჭიროებებზე,  რომლებიც  არის დაუკმაყოფილებელი დღეს იმ ადამიანებისთვის, ვინც   ხდება სამიზნე ტერორისტების. ჩვენ უნდა გავაუმჯობესოთ ჩვენი სამხედრო შესაძლებლობები და თავად ტერორიზმს უნდობლად დავუპირისპირდეთ",-განაცხადა ფილიპ  ბრიდლავმა.

ცნობისთვის, ბრიუსელში გუშინდელ ტერაქტს  ბოლო ინფორმაციით, 34 ადამიანის სიცოცხლე ემსხვერპლა, 250 კი, დაშავდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“