„გაერთიანებული ოპოზიციის“ წევრმა, ირაკლი კუპრაძემ, ახალი სასწავლო წლის დაწყება მშობლებსა და მოსწავლეებს მიულოცა და ყურადღება სკოლებში არსებულ პრობლემებზე გაამახვილა. კუპრაძის განცხადებით, საერთაშორისო კვლევები ადასტურებს, რომ საქართველოში ბავშვთა შიმშილობა ერთ-ერთი მწვავე საკითხია, რაც თბილისში 200 ათას მოსწავლეს აწუხებს.

„ყოველი მესამე და მეოთხე ბავშვი სკოლაში მწვავე შიმშილობას განიცდის, რაც უარყოფითად აისახება მათ შესაძლებლობებსა და განვითარებაზე. სახელმწიფოს კი ამაზე პასუხი არ აქვს“, — განაცხადა ირაკლი კუპრაძემ.

მისი თქმით, ბავშვთა შიმშილობა უკავშირდება საერთაშორისო PISA-ს კვლევის შედეგებსაც, სადაც ქართველ მოსწავლეებს ბოლო ადგილები უკავიათ: წაკითხულის გააზრებაში — 66-ე, საბუნებისმეტყველო მეცნიერებებში — 60-ე, ხოლო მათემატიკაში — 66-ე ადგილი 81 ქვეყანას შორის.

კუპრაძემ მაგალითად წალენჯიხა მოიყვანა, სადაც ოპოზიციურმა კოალიციამ სკოლებში უფასო კვება უკვე დანერგა. ის მიიჩნევს, რომ იგივე მოდელი თბილისშიც უნდა განხორციელდეს.

„შესაძლებელია, თბილისის ბიუჯეტიდან გამოიყოს 100 მილიონი ლარი, რათა 200 ათასმა მოსწავლემ ჯანსაღი კვება მიიღოს სასწავლო პროცესის განმავლობაში. ეს არის ინვესტიცია ჩვენს მომავალში. ჩვენი მთავარი დაპირება სწორედ ესაა“, — განაცხადა ირაკლი კუპრაძემ.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე