“ქართული ოცნება” ქართულ კოშმარად იქცა, ვინაიდან, ის არ აღმოჩნდა, რასაც აცხადებდა, - ამის შესახებ კონგრესმენმა დემოკრატიული პარტიიდან სტივ კოენმა ჰელსინკის კომისიაში მოსმენაზე განაცხადა.

"მე საქართველოში ვიყავი თუ არ ვცდები 2015 წელს. იქ არჩევნების პროცესზე დასაკვირვებლად ჩავედი და ნამდვილად გაოცებული ვიყავი იმ ადამიანებით, რომლებიც ქუჩებში იყვნენ. მათი ენთუზიაზმი, სურვილი დემოკრატიისა, ხმის მიცემისა, და ასევე არჩევანის გაკეთებისა. სასტუმროში, რომელშიც ვიმყოფებოდი, ივანიშვილი ვნახე და არ მომწონს ამის თქმა, არ უნდა განვსაჯოთ ადამიანები იმით, როგორ გამოიყურებიან, მაგრამ როდესაც პირველად ვნახე, ის ვიზუალი ჰქონდა, რომელიც ილონ მასკს შეიძლება ჰქონდეს და მოგვიანებით ვნახეთ ილონ მასკის შეგრძნებებიც, ეს იყო მდიდარი, ცოტათი ეგოისტური და საკუთარ თავზე მაღალი წარმოდგენის მქონე ადამიანი და ვიფიქრე, რომ კარგი ადამიანია, მაგრამ შემდეგ ვნახეთ განვითარება - "ქართული ოცნება" ქართულ კოშმარად გადაიქცა. სენატი გმობს ძალადობას მშვიდობიანი დემონსტრანტების წინააღმდეგ... როდესაც საქართველოს ნაწილი მიითვისა რუსეთმა, ამას კიდევ გააკეთებენ თუ მოკავშირედ ივანიშვილი ეყოლებათ. სამწუხაროა, რომ სენატმა არ მიიღო ჯერჯერობით MEGOBARI აქტი..." | განაცხადა ჰელსინკის კომისიაში საქართველოს შესახებ მოსმენაზე კონგრესმენმა, სტივ კოენმა

აშშ-ის ჰელსინკის კომისიაში საქართველოს შესახებ მოსმენა სახელწოდებით: "პარტნიორიდან პრობლემამდე: საქართველოს ანტიამერიკული გადახვევა". მომხსენებლები არიან საქართველოს მეხუთე პრეზიდენტი, სალომე ზურაბიშვილი, საქართველოს თავდაცვის ყოფილი მინისტრი, თინა ხიდაშელი და ჰადსონის ინსტიტუტის უფროს მკვლევარი ლუკ კოფი. მოსმენას რესპუბლიკელი კონგრესმენი, ჯო უილსონი უძღვება

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ