ევროინსტიტუციებში გაგზავნილ ანგარიშში ნათლად არის მოცემული, რა პროგრესი განიცადა საქართველომ.  – აცხადებს ერთპარტიული პარლამენტის ვიცე-სპიკერი, ნინო წილოსანი.

წილოსანის თქმით, „ევროინსტიტუციებში საკმაოდ სიღრმისეული წერილი გაიგზავნა იმის დასადასტურებლად, რომ ყველაფერი, რაც ჩვენ წინააღმდეგ იქმნებოდა, დეზინფორმაცია და ტყუილი იყო“.

ამასთან "ქართული ოცნების" დეპუტატი არ აკონკრეტებს წერილის შინაარს და არც იმას ამბობს, რომელი ნაწილი შეასრულა "ქართულმა ოცნებამ" ევროკავშირის მოთხოვნებიდან.

„ჩვენს ანგარიშში ნათლად არის მოცემული, რა პროგრესი განიცადა საქართველომ ევროკავშირის დახმარებით და ის, რომ საქართველო არა მხოლოდ კანდიდატ ქვეყნებს შორის არის ლიდერი, არამედ ევროკავშირის ზოგიერთ სახელმწიფოსაც ასწრებს. ამას სწორედ ევროკომისიის ანგარიშები ადასტურებს. იმედია, არა მხოლოდ ჩვენ მიერ მიწოდებული ინფორმაცია, არამედ თავად ევროკომისიის მიერ შედგენილი ანგარიშები ევროპელ ლიდერებს საშუალებას მისცემს, რომ სწორი, ადეკვატური გადაწყვეტილება მიიღონ. რაც შეეხება ვიზალიბერალიზაციით შანტაჟს, როგორც არასოდეს, ახლა გლობალური პოლიტიკური პროცესები ისე ვითარდება, რომ ქვეყნების დაშანტაჟება ამგვარი უსამართლო ფაქტორებით უნდა დასრულდეს“, – განაცხადა ნინო წილოსანმა.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა