პარიზის ტერაქტების ორგანიზატორი ევროპაში ახალ თავდასხმებს გეგმავდა, - ამის შესახებ ინფორმაციას უცხოური მედია ავრცელებს.

როგორც მედია საშუალება იტყობინება, ეჭვმიტანილმა სალეჰ აბდესლამმა დაადასტურა, რომ მზად იყო ბრიუსელიდან ახალი გეგმები განეხორციელებინა.

ბელგიის საგარეო საქმეთა მინისტრმა განცხადება თავად სალეჰ აბდესლამის მიერ გაკეთებული კომენტარის შემდეგ გაავრცელა.

განცხადებას დაკავებულის ადვოკატი გამოეხმაურა. ის ბელგიის ხელისუფლებას კონფიდენციალური ინფორმაციის გახმაურებაში ადანაშაულებს და სასამართლოში ჩივილს აპირებს.

France24-ის ინფორმაციით, აბდესლამი ამჟამად ბრიუსელში კერძოდ კი ბრიუგის ციხეში იმყოფება. მათივე ინფორმაციით, საკანი, რომელშიც პარიზის ტერაქტის ეჭვმიტანილი იმყოფება მიწის ქვეშ არის განლაგებული. აბდესლამი საკანში მარტო იმყოფება. ის ციხეში 19 მარტს გადაიყვანეს, მას შემდეგ რაც ბრიუსელის საავადმყოფოდან გამოწერეს.

როგორც მედია საშუალება სამართალდამცველებზე დაყრდობით იუწყება, ეჭვმიტანილს გარე სამყაროსთან არანაირი კავშირი არ აქვს. საკანში შესვლის უფლება კი მხოლოდ ადვოკატს აქვს. აღსანიშნავია, რომ ყოველ 30 წუთში საკანს ციხის ზედამხედველი ამოწმებს და მასივე ცნობით, აბდესლამს 13 ბრონირებული და 3 სიგნალიზაციით აღჭურვილი გისოსებიანი კარი იცავს.

ამჟამად მისი საფრანგეთში ექსტრადიციის საკითხი განიხილება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად