2025-07-16 12:48:36, 2076 ნახვა
საზოგადოება
თბილისში ჩამონგრეული შენობის მაცხოვრებლები 11 სასტუმროში გადანაწილდნენ
თბილისში, „პრივოკზალნაიას მოედნის“ მახლობლად ჩამონგრეული შენობიდან 103 ადამიანის ევაკუაცია განხორციელდა. ისინი 11 სასტუმროში არიან განთავსებულნი. ამის შესახებ BM.GE-ს დიდუბის რაიონის ადმინისტრაციამ აცნობა.
„შენობა ამჟამად ცარიელია, თუმცა მაცხოვრებლებს უფლება აქვთ შევიდნენ და პირადი ნივთები გაიტანონ“, - აღნიშნავენ დიდუბის რაიონის ადმინისტრაციაში.
14 ივლისის საღამოს, პრივოკზალნაია პლოშჩადის მახლობლად საცხოვრებელი კორპუსის სახურავის ნაწილი ჩამოინგრა, რის შედეგადაც ორი ადამიანი დაიღუპა, ერთი კი სამედიცინო დაწესებულებაში გადაიყვანეს.
ავტორი: ექსპრესნიუსი,
epn.ge (@expressnews.ge)
