ჯურაჯ, რუსეთის დაუსჯელობის განცდა მისი დანაშაულების ძირითადი მიზეზია, რუსეთი მეორე ლოყაშიც გაგარტყამს, - ასე ეხმაურება უკრაინის საგარეო საქმეთა მინისტრი, ანდრეი სიბიგა სლოვაკეთის საგარეო საქმეთა მინისტრის, ჯურაჯ ბლანარის განცხადებას, რომლის თქმითაც შესაძლოა, რუსეთს უნდა აპატიონ ყველაფერი, რაც მოხდა.

„ჯურაჯ, რუსეთის დაუსჯელობის განცდა მისი დანაშაულების ძირითადი მიზეზია. გულუბრყვილობაა ელოდო, რომ დამნაშავე შეჩერდება, თუ მას, დანაშაულის გამო, დასჯის ნაცვლად აპატიებენ. რუსეთი მეორე ლოყაშიც გაგარტყამს და მათ, ვისაც ამ ომში არავინ დაუკარგავთ, არ აქვთ უფლება, ასეთი განცხადებები გააკეთონ“, - წერს სიბიგა.

ცნობისთვის, სლოვაკეთის საგარეო უწყების ხელმძღვანელმა გუშინ განაცხადა, რომ უკრაინასა და რუსეთს შორის კონფლიქტი სამხედრო გზით ვერ მოგვარდება და რომ ასეთი კონფლიქტების აცილება „დიპლომატიური საშუალებებით და საერთაშორისო სამართლის დაცვით“ უნდა მოხდეს. „დავუბრუნდეთ საერთაშორისო სამართლის პატივისცემას და ვეძებოთ რუსეთის ფედერაციასთან კომუნიკაციის გზები“, - განაცხადა სლოვაკეთის საგარეო საქმეთა მინისტრმა და დასძინა, რომ დასავლეთმა უნდა იპოვოს გზა რუსეთთან თანამშრომლობისთვის „და შესაძლოა, აპატიოს კიდეც ყველაფერი, რაც მოხდა“.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე