ბესელია: ელისაშვილის სისხლის სამართლის პასუხისმგებლობას მოვითხოვ

2016-03-18 20:16:45, 827 ნახვა

სამართალი

„ალეკო ელისაშვილის სისხლის სამართლის პასუხისმგებლობას მოვითხოვ“,-ასე გამოეხმაურა ადამიანის უფლებათა დაცვის კომიტეტის თავმჯდომარე ეკა ბესელია მთავარი პროკურატურის მიერ გავრცელებულ განცხადებას.

მისი თქმით, გამოძიებამ ძალიან დეტალური კვლევით დადგინა, რომ ალეკო ელისაშვილი მიზანმიმართულად ტყუოდა

დასკვნა, რომელიც გამოაქვეყნა პროკურატურამ, არის ის რასაც ვამბობდით, ელისაშვილი რომელიც ცდილობდა, რომ თავისი სიცრუით და ცილისმწამებლური განცხადებებით შეცდომაში შეეყვანა საზოგადოების ის ნაწილი, რომელიც მას უსმენდა, საბოლოოდ გამოძიებამ ძალიან დეტალური კვლევით დადგინა, რომ ეს ადამიანი მიზანმიმართულად ტყუოდა, ამიტომ როდესაც გამოძიება ადგენს, რომ ელისაშვილი ტყუოდა, მან ახლა პასუხი უნდა აგოს ცრუ ჩვენებისთვის და მე მოვითხოვ, რომ მისი სისხლის სამართლის პასუხიმგებლობის საკითხი დადგეს,“ - განაცხადა ბესელიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან