საფრანგეთმა ირანის ბირთვული პროგრამა არაერთხელ დაგმო და საპასუხოდ ყველა შესაბამისი დიპლომატიური ზომა მიიღო, - ამის შესახებ საფრანგეთის პრეზიდენტი, ემანუელ მაკრონი სოციალურ პლატფორმა X-ზე წერს.

„ამ კონტექსტში, საფრანგეთი კიდევ ერთხელ ადასტურებს ისრაელის უფლებას, დაიცვას თავი და უზრუნველყოს საკუთარი უსაფრთხოება“, - აცხადებს მაკრონი.

მისი თქმით, რეგიონის სტაბილურობისთვის საფრთხის შექმნის თავიდან ასაცილებლად, ყველა მხარეს მაქსიმალური თავშეკავებისა და დეესკალაციისკენ მოუწოდებს.

„ირანსა და მის ბირთვულ პროგრამაზე ისრაელის დარტყმების შემდეგ, ეროვნული თავდაცვისა და უსაფრთხოების საბჭო მოვიწვიე. მიღებული იქნება ყველა საჭირო ზომა რეგიონში ჩვენი მოქალაქეების და ჩვენი დიპლომატიური და სამხედრო მისიების დასაცავად. ასევე განხორციელდება ყველა ზომა ჩვენი ეროვნული ტერიტორიისა და ჩვენი თანამოქალაქეების დაცვის უზრუნველსაყოფად“, - წერს მაკრონი.

მისი თქმით, საფრანგეთი მზადაა ითანამშრომლოს ყველა თავის პარტნიორთან ახლო აღმოსავლეთის რეგიონში დეესკალაციის უზრუნველსაყოფად.

„დღეს ვესაუბრე საუდის არაბეთის მემკვიდრე პრინცს, იორდანიის მეფეს, არაბთა გაერთიანებული საამიროების პრეზიდენტს, კატარის ემირს, გერმანიის კანცლერს, ბრიტანეთის პრემიერ-მინისტრს და შეერთებული შტატების პრეზიდენტს. რეგიონში ყველასთვის მშვიდობა და უსაფრთხოება ჩვენი წამყვანი პრინციპი უნდა დარჩეს“, - აცხადებს მაკრონი.

ავტორი: ექსპრესნიუსი,

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა