რუსული სააგენტო ТАСС წერს, რომ რუსეთის უშიშროებისა [ФСБ]  და აფხაზეთის დე ფაქტო უშიშროების უსაფრთხოების სამსახურის თანამშრომლებმა დააკავეს სოხუმის საერთაშორისო აეროპორტის საინჟინრო სამსახურის თანამშრომელი, რომელიც უკრაინის სამხედრო დაზვერვასთან თანამშრომლობდა.

ФСБ-ის ინფორმაციით, უკრაინის სპეცსამსახურის დავალებით აეროპორტის თანამშრომელს სურდა “მტრისთვის აეროპორტისა და მის მიმდებარედ მდებარე დახურული სადგომის გეგმის გადაცემა, რომელიც ოფიციალური საერთაშორისო დელეგაციების მისაღებად გამოიყენებოდა. აღნიშნული გეგმა შეიძლებოდა გამოყენებულიყო ტერაქტის განსახორციელებლად, ბომბის დამონტაჟებით”.

სააგენტოს ცნობით, აფხაზეთის დე ფაქტო  სახელმწიფო უსაფრთხოების სამსახურის საგამოძიებო განყოფილებამ მის მიმართ სისხლის სამართლის საქმე აღძრა “აფხაზეთის რესპუბლიკის სისხლის სამართლის კოდექსის 274-ე მუხლით (ჯაშუშობა)”.

„დადგენილია, რომ ის საიდუმლოდ თანამშრომლობდა უკრაინის თავდაცვის სამინისტროს მთავარი სადაზვერვო სამმართველოს წარმომადგენელთან და მისი მითითებით გადასცემდა ინფორმაციას სოხუმის საერთაშორისო აეროპორტში შესრულებული სამუშაოების შესახებ, სადაც იგი საინჟინრო-ტექნიკური სამსახურის სპეციალისტად მუშაობდა“.

ამასან, რუსული სააგენტო წერს, რომ „დაკითხვისას მან აღიარა, რომ თანამშრომლობდა უკრაინის მთავარი სადაზვერვო სამმართველოსთან, მიაწოდა ინფორმაცია შესრულებულ დავალებებზე და იმ მიზნებზე, რაც მას დაესახა — კერძოდ, რუსეთის ფედერაციის ოფიციალური პირების ვიზიტების შესახებ მონაცემების შეგროვება რესპუბლიკაში“.

უკრაინაში რუსეთის მხარეს მებრძოლმა „პიატნაშკის“ მეთაურმა ახრა ავიძბამ განაცხადა, რომ “უკრაინა გეგმავდა ტერაქტის მოწყობას სოხუმში, რადგან აფხაზეთი რუსეთის ნამდვილი მოკავშირეა და ღიად უჭერს მხარს სპეციალურ სამხედრო ოპერაციას”.  ამის შესახებ ავიძბამ ТАСС-თან საუბარში თქვა.

„აფხაზეთი არის რუსეთის ნამდვილი მოკავშირე, რომელმაც ღიად დაუჭირა მხარი და ღიად აგზავნის საკუთარ ვაჟკაცებს საერთო რუსული სამყაროს დასაცავად. ამიტომაც უკრაინისა და საქართველოს რეაქცია გასაგებია. მადლობა ღმერთს, რომ სამსახურები ფხიზლად არიან და რეაგირებენ“.

მანამდე რუსეთის ფედერალური უსაფრთხოების სამსახურის (ФСБ) საზოგადოებრივ ურთიერთობათა ცენტრმა განაცხადა,  რომ ФСБ-ს თანამშრომლებმა აფხაზეთის სახელმწიფო უსაფრთხოების სამსახურთან ერთად დააკავეს სოხუმის საერთაშორისო აეროპორტის საინჟინრო სამსახურის თანამშრომელი, რომელიც უკრაინის სამხედრო დაზვერვასთან თანამშრომლობდა – “დაკითხვისას მამაკაცმა განაცხადა, რომ საკუთარ კურატორებს VIP-პარკინგზე აფეთქების მოწყობა შესთავაზა”.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება