არ ვიცი ვინ იბარებს აღლუმს, თუმცა ერთი რამ ვიცი, ქართულ ჯარს არ უნდა მიაყენო შეურაცხყოფა და ფიცი არ უნდა დაადებინო მიხეილ ყაველაშვილის წინ. ყაველაშვილმა ფიცი თუ ჩაიბარა, ის ჯარისკაცი ჩვენ აღარ გამოგვადგება , - ამის შესახებ გაერთიანება “რუსთაველის გამზირის” წევრმა პაატა ბურჭულაძემ 26 მაისთან დაკავშირებით დასმული კითხვის საპასუხოდ განაცხადა

მისივე თქმით, რუსთაველის გამზირზე საზეიმოდ აპირებენ მისვლას და არა საბრძოლველად.

“მე წარმოვადგენ გაერთიანებას, რომელსაც ჰქვია “რუსთაველის გამზირი”. ჩვენ ვართ მშვიდობის მოყვარე, არავინ აპირებს რამის ჩაშლას, პირიქით თავს ნუ დაგვესხმებიან და “ხარებას” რაზმი არ მოუშვან ჩვენკენ. მე დავესწარი რამდენიმე სხდომას, სადაც იყო პრეზიდენტი სალომე ზურაბიშვილი. ჩვენ ყველანი დავესწრებით ამ ზეიმს, რადგან სახალხო ზეიმია.

არ ვიცი ვინ იბარებს აღლუმს, თუმცა ერთი რამ ვიცი, ქართულ ჯარს არ უნდა მიაყენო შეურაცხყოფა და ფიცი არ უნდა დაადებინო მიხეილ ყაველაშვილის წინ. ყაველაშვილმა ფიცი თუ ჩაიბარა, ის ჯარისკაცი ჩვენ აღარ გამოგვადგება.

არ ვიცი როგორი ფორმით იქნება, ჩვენ რუსთაველის გამზირზე საზეიმოდ მივდივართ, ჩვენ იქ საბრძოლველად არ მივდივართ”, - განაცხადა ბურჭულაძემ.

რაც შეეხება პაატა ბურჭულაძის იდეას არჩევნების ციფრული მეთოდით ჩატარების საკითხზე, ბურჭულაძე აცხადებს რომ სამი სხვადასხვა ქვეყნიდან მიიღეს შემოთავაზება არჩევნების ციფრული მეთოდით ჩატარებასთან დაკავშირებით.

მისივე თქმით, რამდენიმე დღეში ჩამოვლენ სპეციალისტები და შეთანხმდებიან ზუსტ ვერსიაზე.

“ძალიან დიდი აჟიოტაჟი მოჰყვა სატელეფონო არჩევნებს. მინდა გითხრათ, რომ ასეთი არჩევნები უკვე ჩატარდა ესტონეთში. მას შემდეგ, რაც ვთქვით რომ უნდა ჩავატაროთ ინტერნეტ არჩევნები, სამი შემოთავაზება გვაქვს. სამი ქვეყნის წარმომადგენელი ჩამოვა საქართველოში და ვკითხავთ რომელია ყველაზე სანდო. რომელიც იქნება ყველაზე სანდო, ამის შემდეგ შევთავაზებთ “ქართულ ოცნებას” ჩაერთოს ამ საქმეში და ჩაატაროს სამართლიანი არჩევნები. სხვა არჩევნების ჩატარებას აზრი არ აქვს, რადგან ბიძინა ივანიშვილი და კალანდარიშვილი დაიწერენ რამდენსაც უნდათ. დასხდებიან სპეციალისტები, როგორც საზღვარგარეთიდან, ასევე საქართველოდან და განიხილავენ რომელია ყველაზე სანდო. აპლიკაცია უკვე შექმნილია - ერთი ამერიკაშია, ორი ევროპაში”,- განაცხადა ბურჭულაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია