უკრაინაში აშშ-ის საელჩოს დროებითი ხელმძღვანელი ჯული დეივისი კიევში ჩავიდა.

ჯული დეივისი კიევში აშშ-ის საელჩოს დროებით ხელმძღვანელად აშშ-ის პრეზიდენტმა, დონალდ ტრამპმა და სახელმწიფო მდივანმა, მარკო რუბიომ შეარჩიეს. დეივისი ამჟამად კვიპროსში აშშ-ის ელჩია და ამ მანდატსაც შეინარჩუნებს.

ჯული დეივისი მსახურობდა როგორც სახელმწიფო მდივნის მოადგილის თანაშემწე დასავლეთ ევროპისა და ევროკავშირის საკითხებში ევროპისა და ევრაზიის საქმეთა ბიუროში და როგორც აშშ-ის მისიის მუდმივი წარმომადგენლის მოადგილე ნატო-ში. დეივისი იყო სახელმწიფო დეპარტამენტის ოპერაციების ცენტრის ხელმძღვანელი. ის ასევე მუშაობდა ამერიკის საელჩოებში სხვადასხვა ქვეყანაში, მათ შორის საქართველოში, უკრაინასა და რუსეთში. გარდა ამისა, მას ჰქონდა გამოცდილება ეროვნული უშიშროების საბჭოში და სახელმწიფო დეპარტამენტის სხვადასხვა განყოფილებაში.

უკრაინაში აშშ-ს ყოფილმა ელჩმა ბრიჯიტ ბრინკმა თანამდებობა ტრამპის ადმინისტრაციასთან უთანხმოების გამო დატოვა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე