რუმინეთში საპრეზიდენტო არჩევნებში ხმის მიცემა მიმდინარეობს.

საარჩევნო უბნები ადგილობრივი დროით 7:00 საათზე გაიხსნა და 21:00 საათზე დაიხურება, პირველი ეგზიტპოლების შედეგები კი საარჩევნო უბნების დახურვიდან მალევეა მოსალოდნელი.

საზოგადოებრივი აზრის გამოკითხვის შედეგების თანახმად, არჩევნებში ულტრამემარჯვენე ოპოზიციური პარტიის „რუმინელთა გაერთიანების ალიანსის“ (AUR) ლიდერი, ჯორჯ სიმიონი ლიდერობს.

სიმიონის გარდა, არჩევნებში პრეზიდენტობის კიდევ 10 კანდიდატი მონაწილეობს.

ცნობისთვის, ეს რუმინეთში ბოლო 6 თვეში მეორე საპრეზიდენტო არჩევნებია. გასული წლის ნოემბერში რუმინეთში საპრეზიდენტო არჩევნების პირველი ტური გაიმართა. დეკემბერში რუმინეთის საკონსტიტუციო სასამართლო არჩევნების პირველი ტურის შედეგების გაუქმების გადაწყვეტილება მიიღო, რის მიზეზადაც პირველ ადგილზე გასული ულტრამემარჯვენე კანდიდატის, კალინ ჯორჯესკუს სასარგებლოდ რუსეთის ჩარევა დაასახელეს. თებერვლის ბოლოს, ჯორჯესკუს ბრალი წაუყენეს ექვს დანაშაულში, მათ შორის, ცრუ ინფორმაციის გავრცელებაში. აღსანიშნავია, რომ ჯორჯესკუმ რუმინეთის პრეზიდენტობის კანდიდატად რეგისტრაციისთვის განაცხადი შეიტანა, თუმცა ცენტრალურმა საარჩევნო კომისიამ მისი განაცხადი არ დააკმაყოფილა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე