ისრაელში ტყის ხანძრებს ებრძვიან, - ამის შესახებ ინფორმაციას გამოცემა The Times of Israel-ი ავრცელებს.

გამოცემის ცნობით, ძლიერი ხანძარი იერუსალიმთან ახლოს, ეშტაოლის ტყეში გაჩნდა, რის შედეგადაც რამდენიმე დასახლებიდან მოსახლეობის ევაკუაცია გახდა საჭირო.

ისრაელის სახანძრო-სამაშველო სამსახურის ინფორმაციით, იერუსალიმის მახლობლად მაღალი ტემპერატურისა და ძლიერი ქარის შედეგად გამოწვეული ხანძრის, სულ მცირე, ხუთი კერა მძვინვარებს.

ხანძრის სალიკვიდაციო სამუშაოებში 63 სახანძრო ჯგუფი და 11 თვითმფრინავია ჩართული.

ისრაელის თავდაცვის ძალების გენშტაბის უფროსმა, ეიალ ზამირმა სამხედროებს ხანძრის სალიკვიდაციო სამუშაოებში დახმარების მიზნით ჩართვა უბრძანა.

ისრაელის საგარეო საქმეთა მინისტრმა, გიდეონ საარმა დახმარებისთვის კვიპროსს, ხორვატიას, იტალიასა და საბერძნეთს მიმართა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე