ნიუ იორკში ვერტმფრენის ჩამოვარდნის შედეგად კომპანია „სიმენსის“ აღმასრულებელი დირექტორი ესპანეთსა და სამხრეთ-დასავლეთ ევროპაში ავგუსტინ ესკობარი, მისი მეუღლე და სამი შვილი – 4,5 და 11 წლის ბავშვები დაიღუპნენ. ავიაკატასტროფას ასევე პილოტიც ემსხვერპლა.

ნიუ იორკის პოლიციის დეპარტამენტის ცნობით, ინციდენტი ადგილობრივი დროით დაახლოებით 15:15 საათზე ჯერსი სითის მახლობლად მოხდა, სადაც ვერტმფრენი მდინარე ჰუდსონში ჩავარდა.

ნიუ იორკის პოლიციის დეპარტამენტის ინფორმაციით, ინციდენტზე გამოძიება მიმდინარეობს.

შემთხვევას გამოეხმაურა აშშ-ის პრეზიდენტი დონალდ ტრამპი.

„მდინარე ჰუდსონში ვერტმფრენმა საშინელი კატასტროფა განიცადა. როგორც ჩანს, ექვსი ადამიანი – პილოტი, ორი ზრდასრული და სამი ბავშვი ჩვენთან აღარ არიან. კატასტროფის ამსახველი მასალები შემზარავია. ღმერთმა დალოცოს გარდაცვლილების ოჯახები და მეგობრები“,- წერს დონალდ ტრამპი.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე