საქართველოს მოქალაქე ირაკლი ბებუა, რომელიც 2020 წელს აფხაზეთის თვითგამოცხადებული რესპუბლიკის ხელისუფლებამ და რუსეთის საოკუპაციო რეჟიმმა დააკავა და ცხრა წლით თავისუფლების აღკვეთა მიუსაჯა, 4 წლისა და 6 თვის პატიმრობის შემდეგ გაათავისუფლეს. 

ბებუა უკვე იმყოფება საქართველოს ხელისუფლების მიერ კონტროლირებად ტერიტორიაზე, იტყობინება საქართველოს სახელმწიფო უსაფრთხოების სამსახური.

მისი განთავისუფლების, ჯანმრთელობის მონიტორინგისა და სხვა აქტუალური საკითხების გადასაჭრელად (4,5 წლის განმავლობაში) აქტიურად იქნა გამოყენებული ყველა არსებული მექანიზმი, მათ შორის, საქართველოში ევროკავშირის სადამკვირვებლო მისიის (EUMM) ეგიდით მოქმედი ცხელი ხაზი, ასევე ცენტრალური ხელისუფლების ხელთ არსებული სხვა მოლაპარაკებები და კომუნიკაციის საშუალებები .

აფხაზეთის ე.წ კანონმდებლობით, კოლონიების არარსებობის გამო, საერთო რეჟიმით თავისუფლების აღკვეთის ვადა ნახევრდება: წინასწარი დაკავების დაწესებულებაში ყოველი დღე ითვლება ორად.

28 მარტს აფხაზეთის შინაგან საქმეთა სამინისტროს ხელმძღვანელმა რობერტ კიუტმა უარყო ინფორმაცია იმის შესახებ, რომ ბებუა ვადაზე ადრე დატოვებდა საპატიმრო დაწესებულებას. მისი თქმით, „ყველაფერი [მიმდინარეობს] მუხლით და იმ პირობებით, რაც მას სასამართლომ დაუნიშნა“.

ირაკლი ბებუას წინააღმდეგ აფხაზეთის დროშის ფერების სიმბოლური ტილოს ცეცხლის წაკიდების ფაქტზე სისხლის სამართლის საქმე აღიძრა. აფხაზეთის შინაგან საქმეთა სამინისტრომ მოგვიანებით განაცხადა, რომ „სახლის შემოწმებისას, სადაც ეჭვმიტანილი ცხოვრობდა, პოლიციელებმა აღმოაჩინეს და ამოიღეს RG-42 ხელფრაგმენტული ყუმბარა UZRGM ფუტით, რომელიც არის საბრძოლო მასალა და ვარგისია აფეთქებისთვის“. გალის რაიონულმა სასამართლომ ირაკლი ბებუას ცხრა წლით თავისუფლების აღკვეთა მიუსაჯა. მას ასევე დაეკისრა ჯარიმა 10 ათასი რუბლის ოდენობით. თბილისში დარწმუნებულები იყვნენ, რომ ბებუას ბრალდებები ხელოვნურად მოუმატეს.

ბებუას გათავისუფლების მოთხოვნით რამდენიმე საპროტესტო აქცია გაიმართა საქართველოს დედაქალაქსა და სხვა ქალაქებში, მონაწილეები საქართველოს ხელისუფლებას უმოქმედობაში ადანაშაულებენ. ბებუას გათავისუფლების საკითხი ჟენევის საერთაშორისო მოლაპარაკებების ფორმატში რამდენჯერმე განიხილებოდა. ირაკლის ახლობლები ამბობენ, რომ მისი ჯანმრთელობის მდგომარეობა მძიმეა.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“