ირაკლი ალასანია: ძალოვანი უწყებები ბიძინა ივანიშვილისგან იღებენ კონკრეტულ დავალებებს

2016-03-12 21:32:39, 761 ნახვა

სამართალი

თავისუფალი დემოკრატების ლიდერი ირაკლი ალასანია ფარულ ჩანაწერებზე საუბრობს და მიიჩნევს რომ ჩანაწერების გავრცელების უკან ყოფილი პრემიერის, ბიძინა ივანიშვილის ინტერესები დგას. ის ამბობს, რომ დღეს ქვეყნის არაფორმალური მმართველი უშიშროების სამსახურებს მართავს და მისი დავალებით ხდება ამორალური და მზაკვრული გეგმების დავალებების გაცემა.

"ბიძინა ივანიშვილი მართავს უშიშროების სტრუქტურებს, კონკრეტულად მოადგილე პირდაპირ იღებს მისგან დავალებებს ის ადამიანი. პრემიერმა გამოძიება ამ მიმართულებითაც უნდა დაიწყოს," - განაცხადა ირაკლი ალასანიამ "რუსთავი 2-ის" პირდაპირ ეთერში.

ირაკლი ალასანიას განცხადებით, დღეს პრემიერი გიორგი კვირიკაშვილი ძალოვან სტრუქტურებს ვერ მართავს და ისინი იმართებიან სხვა ძალებისგან. ირაკლი ალასანია ამბობს, რომ ეს არის ტესტი პირადად პრემიერმინისტრისთვის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან