თამარ სანიკიძე თბილისის სახელმწიფო უნივერსიტეტში სტუდენტებს ხვდება

2016-03-12 20:41:43, 716 ნახვა

სამართალი

საქართველოს განათლებისა და მეცნიერების მინისტრი თამარ სანიკიძე თბილისის სახელმწიფო უნვერსიტეტში სტუდენტებს ხვდება. სანიკიძე აცხადებს რომ ის დაელაპარაკება სტუდენტებს, რექტორს და უნივერსიტეტის ადმინისტრაციას.

"აქ იმიტომ მოვედი, რომ გადმომცეს, სტუდენტები მზად არიან ჩემთან შესახვედრად. ჩვენ დაველაპარაკებით სტუდენტებს, რექტორს, ადმინისტრაციას", - განაცხადა სანიკიძემ.

თსუ-ში სტუდენტებთან შეხვედრაზე, ასევე იმყოფება უნივერსიტეტის რექტორი ლადო პაპავა. ის მინისტრის უნივერსიტეტში მისვლას მიესალმება.

"მინისტრი განათლებისა და მეცნიერების სფეროს კურირებს. უნივერსიტეტი საჯარო სამართლის იურიდიული პირია. მისი მაკონტროლებელი სახელმწიფო ორგანო კი სამინისტროა. როცა უნივერსიტეტში ხდება ის, რაც ხდება, მოვლენების მიმართ მინისტრის ინტერესი ბუნებრივია", - განაცხადა ლადო პაპავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან