აშშ-ის დელეგაციის ვიზიტით გრენლანდიასა და დანიაზე ზეწოლა ხორციელდება, - ამის შესახებ დანიის პრემიერ-მინისტრმა, მეტე ფრედერიქსენმა განაცხადა.

„ეს ვიზიტი გრენლანდიის საჭიროებებისა და სურვილების შესახებ ნამდვილად არ არის. ამიტომ, უნდა ვთქვა, რომ გრენლანდიასა და დანიაზე მიუღებელი ზეწოლა ხორციელდება, რომელსაც ჩვენ წინააღმდეგობას ერთად გავუწევთ“, - განაცხადა დანიის პრემიერ-მინისტრმა.

მისი თქმით, გრენლანდიის შესახებ აშშ-ის პრეზიდენტის, დონალდ ტრამპის განცხადებები სერიოზულია.

„მას გრენლანდია სურს. ამიტომ, ამის ცალკე კონტექსტში განხილვა შეუძლებელია. პირად ვიზიტს სხვა ქვეყნის ოფიციალურ წარმომადგენლებთან ერთად ვერ განახორციელებ“, - აღნიშნა დანიის პრემიერმა.

ცნობისთვის, მიმდინარე კვირაში გრენლანდიას აშშ-ის დელეგაცია ეწვევა, რომელსაც ვიცე-პრეზიდენტ ჯეი დი ვენსის მეუღლე, უშა ვენსი უხელმძღვანელებს. ასევე, დელეგაციის შემადგენლობაში თეთრი სახლის მრჩეველი ეროვნული უსაფრთხოების საკითხებში, მაიკ უოლცი და ენერგეტიკის მინისტრი, კრის რაითი იქნებიან.

ავტორი: ექსპრესნიუსი,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post