"არსებობს აგრესორი – რუსეთი. არსებობს მსხვერპლი – უკრაინა.- ამის შესახებ საფრანგეთის პრეზიდენტმა ემანუელ მაკრონმა განაცხადა.

სამი წლის წინ ყველას გვქონდა საფუძველი, რომ დაგვხმარებოდით უკრაინას და დაგვეწესებინა სანქციები რუსეთის წინააღმდეგ, და ჩვენ უნდა გავაგრძელოთ ეს.

"ჩვენ" ნიშნავს ამერიკელებს, ევროპელებს, კანადელებს, იაპონელებს და ბევრ სხვას.

მადლობა ყველას, ვინც დაეხმარა და აგრძელებს დახმარებას. და პატივისცემა მათ, ვინც თავიდანვე იბრძვის. რადგან ისინი იბრძვიან თავიანთი ღირსებისთვის, დამოუკიდებლობისთვის, თავიანთი შვილებისთვის და ევროპის უსაფრთხოებისთვის." - წერს ემანუელ მაკრონი, თავის ოფიციალურ X-ზე.

ზელენსკისა და ტრამპს შორის თეთრ სახლში, ჟურნალისტების წინაშე შელაპარაკება მოხდა - ზელენსკი ტრამპს მოუწოდებდა რუსეთის მიმართ სიფრთხილე გამოეჩინა, ხოლო ტრამპი ზელენსკის უპატივცემულობაში ადანაშაულებდა.

ორი ლიდერის შეხვედრა თეთრ სახლში, ოვალურ ოფისში გაიმართა, სანამ ისინი განიხილავდნენ შეთანხმებას, რომლითაც აშშ-ის წვდომა მიენიჭებოდა უკრაინის მინერალების რესურსებზე. მაგრამ ზელენსკიმ ტრამპს ღიად უსაყვედურა რუსეთის პრეზიდენტის, ვლადიმირ პუტინის მიმართ რბილი მიდგომების გამო.

ზელენსკიმ უარყო ტრამპის განცხადებები, რომ უკრაინის ქალაქები მიწასთანაა გასწორებული სამწლიანი ომის შედეგად. ტრამპი აცხადებდა, რომ პუტინს შეთანხმების გაფორმება სურს.

ავტორი: ექსპრესნიუსი,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად