პრემიერმინისტრი გიორგი კვირიკაშვილი მთავრობის დღევანდელ სხდომაზე  საქართველოს მოქალაქეებისთვის უვიზო  რეჟიმის  დაწესების თაობაზე,  ევროკომისიის საკანონმდებლო ინიციატივას  გამოეხმაურა და მას მნიშვნელოვანი წინ გადადგმული ნაბიჯი უწოდა.

პრემიერი იმედოვნებს,  რომ უვიზო რეჟიმის საკითხზე პროცესი რამდენიმე თვეში წარმატებით დასრულდება.

„დღევანდელი სხდომა, ალბათ, უნდ დავიწყოთ იმ მნიშვნელოვანი დადებითი სიახლით, რაც გუშინ შევიტყვეთ. ევროკომისია გამოვიდა საკანონმდებლო ინიციატივით საქართველოს მოქალაქეებისათვის უვიზო რეჟიმის დაწესების თაობაზე, ეს არის მნიშვნელოვანი წინ გადადგმული ნაბიჯი და ჩვენი ქვეყნის, ხალხის ძალიან დიდი წარმატება. მინდა დიდი მადლობა გადავუხადო ყველას, ჩვენ მეგობრებს, ჩვენი ქვეყნის ძალიან მნიშვნელოვან პერტნიორებს, ყველას, ვინც უმნიშვნელოვანესი წვლილი შეიტანა ამ პროცესის მართლაც ასე პოზიტიურად წარმართვაში. ევროკომისიის მხრიდან ამ ინიციატივას მოყვება განხილვა ერთდროულად ორივე ინსტიტუციაში, ესაა ევროკავშირის საბჭო და ევროპარლამენტი. ალბათ, რამდენიმე თვეში პროცესი წარმატებით დასრულდება. უნდა ვიქონიოთ იმედი, რომ ეს პროცესი ჩქარა წარიმართება. მადლობა მინდა გადავუხადო ასევე ევროკომისარს საკანონმდებლო წინადადების ინიცირებისათვის, საქართველოს მიერ მიღწეული პროგრესის საფუძველზე და რა თქმა უნდა ევროკომისიას ნაყოფიერი თანამშრომლობისა და მხარდაჭერისათის ამ პროცესში. მადლობა ყველას, ვინც პოზიტიური წვოლილი შეიტანა ამ პროცესში. ასევე მნიშვნელოვანია, რომ ეს არის ჩვენი ხელისუფლების როგორც მთავრობის, ასევე პარლამენტის ძალიან დიდი ძალისხმევის და შრომის შედეგი.  ეს არის ასევე ჩვენი მოქალაქეების მხარდაჭერის შედეგიც და ამისთვის მინდა, კიდევ ერთხელ დიდი მადლობა გადავუხადო და მოგილოცოთ“, - განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია