დონალდ ტრამპი არა მხოლოდ იმას ამბობს, რასაც ფიქრობს, არამედ, იმას აკეთებს, რაც სურს, - ამის შესახებ რუსეთის პრეზიდენტმა, ვლადიმერ პუტინმა განაცხადა.

ვლადიმერ პუტინის განცხადებით, უკრაინასთან დაკავშირებით აშშ-ის პრეზიდენტს, დონალდ ტრამპს ევროპელი ლიდერებისგან განსხვავებით თავისუფალი ხელი აქვს, თუმცა კონფლიქტის არსებითი გადაწყვეტის საკითხის დონალდ ტრამპთან განხილვა ჯერ არ მომხდარა.

„ის არა მხოლოდ იმას ამბობს, რასაც ფიქრობს, არამედ, იმას აკეთებს რაც სურს. ეს ერთ-ერთი დიდი და მნიშვნელოვანი სახელმწიფოს ლიდერის პრივილეგიას წარმოადგენს“, - განცხადა რუსეთის პრეზიდენტმა.

მისი თქმით, რუსეთს მშვიდობის რაც შეიძლება სწრაფად მიღწევა სურს, მაგრამ ამას ხელს უკრაინის პრეზიდენტი, ვოლოდიმირ ზელენსკი უშლის.

„შექმნილ ვითარებაში, რაც არ უნდა უცნაურად ჟღერდეს, სიმართლე გითხრათ, ჩვენ დაინტერესებულები ვიქნებოდით, რომ ის იქ იჯდეს და განაგრძოს იმ რეჟიმის დაშლა, რომელთანაც შეიარაღებულ კონფლიქტში ვართ. მაგრამ, უკრაინის სახელმწიფოებრიობის გაძლიერების ინტერესების თვალსაზრისით, რა თქმა უნდა, აუცილებელია უფრო ენერგიულად და სრულიად განსხვავებული მიმართულებით მოქმედება - ხელისუფლებაში იმ ადამიანების მოყვანით, რომლებიც უკრაინელი ხალხის ნდობით ისარგებლებენ“, - აღნიშნა რუსეთის პრეზიდენტმა.

ამასთან პუტინმა აღნიშნა, რომ ევროპის ქვეყნებს - და სხვებს - "უფლება აქვთ და შეუძლიათ მონაწილეობა მიიღონ" მოლაპარაკებებში უკრაინაში ომის საკითხის მოსაგვარებლად.

პუტინმა ინტერვიუში თქვა, რომ მზად არის იმუშაოს "უცხოელ პარტნიორებთან, მათ შორის ამერიკელებთან" უკრაინის ოკუპირებულ ნაწილებში იშვიათი ლითონებისა და სტრატეგიული მინერალების მარაგების განვითარებაზე.

ასევე, რუსეთის ლიდერმა უკრაინის პრეზიდენტი ვოლოდიმირ ზელენსკი "ტოქსიკურ ფიგურად" მოიხსენია.

ავტორი: ექსპრესნიუსი,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად