კიევის მერი ვიტალი კლიჩკო თვლის, რომ არასწორია არჩევნების ჩატარება უკრაინაში სტაბილური მშვიდობის დამყარებამდე.

"ასეთ რთულ ვითარებაში, საარჩევნო კამპანიამ შეიძლება გაანადგუროს ქვეყანა შიგნიდან და საგრძნობლად დაასუსტოს იგი", — განაცხადა კლიჩკომ ხუთშაბათს, 20 თებერვალს DW-სთვის მიცემულ ინტერვიუში ბრიუსელში პაველ ადამოვიჩის პრემიის პრეზენტაციაზე გამართულ პრესკონფერენციაზე.

ეს ჯილდო ადგილობრივი დემოკრატიის განმტკიცებაში, ადამიანის უფლებების დაცვასა და ევროკავშირში სამოქალაქო სოლიდარობის ხელშეწყობაში შეტანილი წვლილისთვის გადაეცემათ.

"დღევანდელ ვითარებაში არჩევნები ჩვენი სამშობლოსთვის საწამლავია. როგორც კი მშვიდობა თანდათან დაბრუნდება უკრაინაში, შემდეგი ლოგიკური ნაბიჯი იქნება არჩევნები", — ამბობს ვიტალი კლიჩკო.

მისი აზრით, ახლა არჩევნებისთვის მომზადებას აზრი არ აქვს, რადგან „საკითხი, იარსებებს თუ არა უკრაინა, ღიაა“.

"მაშინ, როცა უკრაინელები დამოუკიდებლობისა და ტერიტორიული მთლიანობისთვის იბრძვიან, ქვეყნის პოლიტიკურმა ძალებმა უნდა გააერთიანონ თავიანთი ძალა, რათა ბოლო მოეღოს ომს. ძალიან მნიშვნელოვანია ქვეყნის შიგნით და მის საზღვრებს გარეთ, უკრაინის ირგვლივ ერთიანობის არსებობა", — შეაჯამა კიევის მერმა.

19 თებერვალს აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. მან თქვა, რომ ზელენსკი დიქტატორია, უკრაინისთვის ომის აცილება შეეძლო და 4%-ის მხარდაჭერა აქვს.

ავტორი: ექსპრესნიუსი,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად