„შეხვედრიდან მოლოდინი გვაქვს, რომ კანონის ფარგლებში, ლევანს შესაძლებლობა მიეცემა შენობაში შევიდეს“, - ამის შესახებ „მაესტროს“ ახლადდანიშნული გენერალური დირექტორის ლევან გაჩეჩილაძის ადვოკატმა ნანუკა ჭკუასელმა ჟურნალისტებს განუცხადა.

მისი თქმით, „მაესტროს“ რამოდენიმე ჟურნალისტმა ლევანთან შეხვედრის სურვილი გამოთქვა.

„შეხვედრიდან მოლოდინი გვაქვს, რომ ლევანს შესაძლებლობა მიეცემა შევიდეს შენობაში და განახორციელოს ის ფუნქციები, რაც შპს ტელეკომპანია „მაესტროს“ გენერალურ დირექტორს ევალება. საიჯარო ხელშეკრულებას რაც შეეხება, არც საჯარო რეესტრში არ ფიქსირდება ხელშეკრულების შესახებ, არც მეურვეს არ აქვს ეს ხელშეკრულება. ლევანისგან მაქვს ინფორმაცია, რომ მას ჰქონდა საუბარი რამოდენიმე ჟურნალისტთან, რომლებმაც მასთან შეხვედრის სურვილი გამოთქვეს. დიდი იმედი გვაქვს, რომ არ დაგვჭირდება დამატებითი ღონისძიებებისთვის მიმართვა. თუ საჭირო გახდა, მივმართავთ კანონით გათვალისწინებულ შესაბამის ღონისძიებებს“, - აღნიშნა ჭკუასელმა.

ჟურნალისტის კითხვაზე - აპირებენ თუ არა შენობაში აღსრულების ბიუროს მეშვეობით შესვლას, ჭკუასელმა აღნიშნა, რომ ამასთან დაკავშირებით ვერაფერს ვერ იტყვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“