„ის არის ლიდერი, რომელიც მშვიდობას მოუტანს ახლო აღმოსავლეთში და აღადგენს სტაბილურობას რეგიონში“ - სირიის ახალმა ხელისუფლებამ ტრამპს თანამდებობის დაკავება მიულოცა.

ჰაიათ თაჰრირ ალ შამის  ჯგუფის ლიდერმა აჰმედ ალ-შარამ (ყოფილი აბუ მუჰამედ ალ-ჯულანი) მიულოცა დონალდ ტრამპს თანამდებობის დაკავება სირიის ახალი ხელისუფლების სახელით. მან აღნიშნა, რომ ტრამპის პრეზიდენტობა იმის დასტურია, რომ ამერიკელმა ხალხმა მის მიმართ ნდობა გამოავლინა.

„ბოლო ათწლეულმა უზარმაზარი ტანჯვა მოუტანა სირიას, კონფლიქტმა, რომელმაც გაანადგურა ჩვენი ქვეყანა და რეგიონის დესტაბილიზაცია მოახდინა. ჩვენ დარწმუნებულები ვართ, რომ ის არის ლიდერი, რომელიც მშვიდობას მოუტანს ახლო აღმოსავლეთს და აღადგენს სტაბილურობას რეგიონში. ჩვენ მოუთმენლად ველით ჩვენს ქვეყნებს შორის ურთიერთობების გაუმჯობესებას დიალოგისა და ურთიერთგაგების საფუძველზე. ჩვენ გვჯერა, რომ ამ ადმინისტრაციის პირობებში, შეერთებული შტატები და სირია გამოიყენებენ შესაძლებლობას ჩამოაყალიბონ პარტნიორობა, რომელიც ასახავს ორივე ერის მისწრაფებებს. ჩვენ ვუსურვებთ მას ჩვენს გულწრფელ წარმატებებს, როგორც პრეზიდენტს და სიძლიერესა და კეთილდღეობას ამერიკელ ხალხს“, - ნათქვამია განცხადებაში.

2024 წლის 20 დეკემბერს ამერიკის ხელისუფლებამ გააუქმა 10 მილიონი დოლარის ჯილდო, რომელიც მანამდე შესთავაზეს ალ-შარას დაჭერაში დახმარებისთვის.

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება