ღაზის სექტორში ისრაელსა და ჰამას შორის დადებული ცეცხლის შეწყვეტის შეთანხმება თითქმის 3 საათის დაგვიანებით ამოქმედდა.

თავდაპირველად შეთანხმების ამოქმედება ადგილობრივი დროით 8:30 საათზე იყო დაგეგმილი, თუმცა ჰამასმა დათქმულ დროზე არ დაასახელა იმ 3 ისრაელელი მძევლის ვინაობა, რომელთა გათავისუფლებასაც დღეს აპირებდნენ. 

მანამდე ისრაელს გამოცხადებული ჰქონდა, რომ 3 მძევლის დასახელებამდე ღაზის სექტორში სამხედრო მოქმედებებს არ შეწყვეტდნენ. 

შედეგად, ცეცხლის შეთანხმება ღაზაში ადგილობრივი დროით 11:15 საათზე ამოქმედა, მას შემდეგ, რაც ტერორისტულმა დაჯგუფებამ 3 მძევლის ვინაობა დაასახელა. 

მედიაში გავრცელებული ინფორმაციით, ისრაელის პრემიერმინისტრის ოფისმა ცეცხლის შეწყვეტის ძალაში შესვლის შესახებ ჰამასისგან მძევლების სახელები და გვარების მიღებიდან რამდენიმე წუთში გამოაცხადა. 

ისრაელურ მედიაში გავრცელებული ინფორმაციით, მძევლები, რომლებიც დღეს გათავისუფლდებიან, არიან: 31 წლის დორონ სტეინბრექერი, 28 წლის ემილი დამარი და 24 წლის რომი გონენი. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა