დროებით ოკუპირებულ აფხაზეთში, ე.წ. პარლამენტის შენობაში სროლა მოხდა, რის შედეგადაც ე.წ. პარლამენტის წევრი ვახტანგ გოლანძია დაიღუპა. ამის შესახებ ინფორმაციას ადგილობრივი მედია ე.წ. ჯანდაცვის სამინისტროზე დაყრდნობით ავრცელებს.

ე.წ. პარლამენტთან სროლის შედეგად ასევე დაიჭრა ე.წ. დეპუტატი კან კვარჩია, ის საავადმყოფოშია გადაყვანილი.

ადგილობრივი მედია წერს, რომ „დეპუტატები“ მაინინგის აკრძალვის „კანონპროექტს“ განიხილავდნენ, რომლის დროსაც, ადგურ ხარაზიასა და კან კვარჩიას შორის სიტყვიერი შელაპარაკება მოხდა, რასაც ხარაზიას მხრიდან იარაღის გასროლა მოჰყვა, ხოლო დაღუპული ვახტანგ გოლანძია მათ გაშველებას ცდილობდა.

„სროლაში ეჭვმიტანილია დეპუტატი ადგურ ხარაზია, რომელიც შემთხვევის ადგილიდან მიიმალა",- განაცხადა ე.წ. შინაგან საქმეთა მინისტრის მოვალეობის შემსრულებელმა, რობერტ კიუტმა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე