უფლებადამცველი - აქციაზე ადამიანი დააკავეს, არსად დაარეკინეს - ლოგინად მყოფი, ავადმყოფი დედისთვის ერთადერთი მომვლელი იყო, დედა გარდაიცვალა

2024-12-17 11:33:05, 458 ნახვა

საზოგადოება

უფლებადამცველი ნათია თავბერიძე აცხადებს, რომ ერთ-ერთ საპროტესტო აქციაზე დაკავებულ პირს ყველაფერი წაართვეს და არსად დარეკვის უფლება არ მისცეს.

როგორც უფლებადმცველი სოციალურ ქსელ „ფეისბუქზე“ წერს, აღნიშნულ პიროვნებას იურისტი გაესაუბრება.

„გუშინ, ერთ-ერთ აქციაზე დაზარალებული/დაკავებული პირი მოვიდა ჩვენთან. ეს ადამიანი დააკავეს, ყველაფერი წაართვეს, არსად დაარეკინეს. არადა, ლოგინად მყოფი, ავადმყოფი დედისთვის ერთადერთი მომვლელი იყო. დედა გარდაიცვალა.

ნატალია ბუკია და ლიკა გოგოლიძე შეხვდნენ, იურისტს გაესაუბრება და ჩვენც მივადევნებთ თვალს.

ამ არაადამიანურ დანაშაულებზე აუცილებლად პასუხს აგებს დღევანდელი რეჟიმი.

იცოდეთ, რომ აუცილებლად მოითხოვეთ, გაესაუბრეთ იურისტებს - დანაშაულების, წამების ფაქტების მხილება და დოკუმენტირება, გასაჩივრება აუცილებელია. ამდენი მოპარული ნივთი, ტელეფონი - ეს კიდევ ცალკე ამბავია - თითქმის ყველა დაკავებული და ნაცემი ადამიანი, ამავდროულად გაძარცვეს კიდეც“,- წერს თავბერიძე.