2016-03-01 00:22:01, 747 ნახვა
საზოგადოება
შეთანხმება მიღწეულია, მაღაროელებმა გაფიცვა შეწყვიტეს
ტყიბულელმა მაღაროელებმა გაფიცვა შეწყვიტეს. რამდენიმე საათიანი მოლაპარაკების შემდეგ, საქნახშირსა და მაღაროელებს შორის შეთანხმება შედგა. შეხვედრას ტყიბულში გაფიცულები, პროფკავშირის, საწარმოს და ხელისუფლების წარმომადგენლები ესწრებოდნენ. საწარმომ გაფიცულებს დაუყონებლივ 7%-ით სახელფასო ზრდა შესთავაზა. აპრილში კი 3%-ით. რაც საბოლოო ჯამში მაღაროში მომუშავე მუშათა ხელფასის 10%-ით ზრდას გამოიწვევს.
შეთანხმებას ხელი უკვე მოეწერა. ტყიბულში მიმდინარე აქცია დაიშალა და მაღარო ხვალ, დღის მეორე ნახევარში მუშაობას განაგრძობს.
ცნობისთვის, მაღაროელები 17 დღის განმავლობაში გაფიცულები იყვნენ, ისინი ხელფასის გაზრდას ითხოვდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
