სირიაში, ზავის ამოქმედებიდან რამდენიმე საათში ტერაქტი მოხდა, რის შედეგადაც 2 ადამიანი დაიღუპა, - ამის შესახებ ინფომრაციას „BBC“ ავრცელებს.

როგორც „BBC“ ადგილობრივ მედიაზე დაყრდნობით იუწყება, დანაღმული ავტომობილი სირიის დასავლეთში მდებარე პროვინცია ჰამაში, ქალაქ სალამიაში აფეთქდა. არიან დაშავებულებიც.

ამასთან, სამშვიდობო ზავის ამოქმედების მიუხედავად, ვრცელდება ინფორმაცია ლოკალურ ინციდენტებზე. კერძოდ, სირიის ჩრდილო-დასავლეთში მოქმედმა ერთ-ერთმა დაჯგუფებამ განაცხადა, რომ სამთავრობო არმიის თავდასხმის ობიექტი გახდა.

როგორც Reuters-ი სირიის ადამიანის უფლებათა დაცვის კომიტეტის წარმომადგენელზე, რამი აბდულრაჰმანზე დაყრდნობით იუწყება, მომხდარს ადგილობრივი მთავრობა გამოეხმაურა და განმარტა, რომ აფეთქება იმ ტერიტორიაზე მოხდა, სადაც ზავის შეთანხმება არ მოქმედებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი