2016-02-27 14:50:12, 452 ნახვა
პოლიტიკა
მიხეილ ჯანელიძემ ზაარბრიუკენის მერი საქართველოში მოიწვია
საქართველოს საგარეო საქმეთა მინისტრი მიხეილ ჯანელიძე გერმანიაში ვიზიტის ფარგლებში ზაარბრიუკენს ეწვია და ქალაქის მერთან შარლოტე ბრიცისთან შეხვედრა გამართა.
საგარეო უწყების ინფორმაციით, შეხვედრაზე კმაყოფილებით აღინიშნა თბილისსა და ზაარბრიუკენს შორის არსებული 40 წლიანი მეგობრობა და ქალაქებს შორის არსებული განსაკუთრებული კავშირი, რაც ბევრ კულტურულ აქტივობასა და ღონისძიებაში გამოიხატა.
მათივე ცნობით, მინისტრმა ზაარბრიუკენის მერი საქართველოში მოიწვია. მხარეები შეთანხმდნენ, რომ 2017 წელს, საქართველო-გერმანიის მეგობრობის 200 წლისთავთან დაკავშირებით ზაარბრიუკენი აქტიურად ჩაერთვება ცალკეულ ღონისძიებებში, როგორც ორი ქვეყნის, ორი ქალაქის გამორჩეული მეგობრობის სიმბოლო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
