რამდენიმესაათიანი მოლაპარაკება რუსთავის მერიაში უშედეგოდ დასრულდა. რუსთავის მერი 10-მდე სოციალურად დაუცველს საცხოვრებელი პირობების გაუმჯობესების მიზნით სამსახურს დაჰპირდა, თუმცა მოქალაქეები საცხოვრებელი ფართით უზრუნველყოფას მოითხოვენ.

სოციალურად დაუცველები და დევნილები შეჭრილი შენობიდან მერიის ჩარევის შედეგად გამოასახლეს. ყოფილ პროფტექნიკუმის შენობაში ისინი, რამდენიმე დღის წინ თვითნებურად შეიჭრნენ.

რუსთვის მერის, დავით ჯიქიას განცხადებით შენობაში წლის ბოლომდე სოციალური საცხოვრისი უნდა გაკეთდეს. შეხვედრა მერთან დახურულ კარს მიღმა მიმდინარეობდა. შეხვედრის დაწყებამდე შელაპარაკება საკრებულოს დეპუტატებსა და მოქალაქეებს შორის მოხდა.

„შევთავაზეთ სამსახურები, ინდივიდუალურად დაველაპარაკებით ადამიანებს, ვისაც ექნებათ სურვილი იმუშაოს შევეცდებით, რომ დამატებითი სამუშაო მოვუძებნოთ. ფაქტი არის ის, რომ ის ფართი არის განკუთვნილი სოცსაცხოვრებლისთვის, ისიც ავუხსენით, რომ საცხოვრისზე მუშაობა დაწყებულია და უახლოეს პერიოდში რეაბილიტაცია დაიწყება და ასევე განვუმარტეთ, რომ შეიძლება მოხვდნენ, შეიძლება ვერ მოხვდენენ, ამას უკვე კომისია წყვეტს ქულებიდან გამომდინარე",- განაცხადა დავით ჯიქიამ.

რუსთავის მერის შეთავაზება სოციალურად დაუცველებისთვის მიუღებელია. ნაზი ლორია ამბობს, რომ ისინი მერიისგან არა სამსახურს, არამედ საცხოვრებელ ფართს ითხოვენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია