აჭარის ა/რ ჯანმრთელობისა და სოციალური დაცვის მინისტრი ნუგზარ სურმანიძე და მინისტრი პირველი მოადგილე ლევან გორგილაძე, ხელვაჩაურის მუნიციპალიტეტის გამგებელ ნადიმ ვარშანიძესთან ერთად მაჭახლის თემში შემავალი სოფლის ქვედა ქოქოლეთის მოსახლეობას შეხვდნენ.

აჭარის ჯანდაცვის სამინისტროს ინფორმაციით, რამდენიმე დღის წინ სამინისტროს აღნიშნული სოფლის მოსახლეობამ ერთობლივი განცხადებით მომართა, რომლის თანახმად ადგილობრივები სოფელში თემის სამედიცინო პუნქტის გახსნას დაწყებითი სკოლის შენობაში ითხოვდნენ. სოფელი ამბულატორიული ცენტრიდან რამდენიმე კოლომეტრითაა დაშორებული. მინისტრი მაჭახლის ხეობას მოსახლეობის მოთხოვნის ადგილზე გასაცნობად ეწვია.

„აქ მოსახლეობის მოთხოვნის გასაცნობად მოვედით, ჩვენი ვალდებულებაა ექთნის ხელფასით და მედიკამენტებით უზრუნველყოფა. შეხვედრაზე დაისვა სამედიცინო პუნქტისათვის ახალი შენობის აშენების საკითხი, როგორც კი გამგეობა შენობის მშენებლობას დაასრულებს, ჩვენ დავნიშნავთ ექთანს და მოსახლეობას ადგილზე შეეძლება ექიმამდელი სამედიცინო დახმარების მიღება“, - აღნიშნა ნუგზარ სურმანიძე.

აჭარის ჯანდაცვის სამინისტრო სოფლის მოსახლეობის ექიმამდელი სამედიცინო დახმარების პროგრამას რამდენიმე წელია ახორციელებს. პროგრამის მიზანია სოფლის მოსახლეობის ადგილზე უზრუნველყოფა სამედიცინო მომსახურებით.

პროგრამის ფარგლებში სოფლის მოსახლეობას ექიმამდელ სამედიცინო მომსახურებას უწევს 228 მედდა. 2016 წელს პროგრამის ბიუჯეტი შეადგენს 783,400 ლარს.

2015 წელს ამავე პროგრამის ფარგლებში მომსახურება გაეწია 225 992 პაციენტს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია