ფონიჭალაში მოკლული ნინა რომანაძის მეუღლე აცხადებს, რომ პოლიცია მას მკვლელობის აღიარებას სთავაზობდა

2016-02-23 12:28:33, 830 ნახვა

სამართალი

ფონიჭალაში მოკლული ნინა რომანიძის მეუღლემ დაკითხვის შემდეგ პირველ კომენტარი გააკეთა.

მისი თქმით, პოლიცია მას მკვლელობის აღიარებას სთავაზობდა. ოთარ მამფორია აცხადებს, რომ მისთვის მეუღლის და შვილის გარდაცვალების მოტივი უცნობია.

შსს-ში აცხადებენ, რომ მამაკაცზე სამართალდამცველებს მსგავსი არაფერი უთქვამთ. როგორც თავად მამფორია ამბობს, დილით 35 წლის მეუღლე და 3 წლის შვილი დაძინებული დატოვა და მომხდარის შესახებ სამსახურში გაიგო.

ოჯახისთვის მკვლელობის ვერსია ამ დრომდე უცნობია. სახლიდან ოქრო და ფული გატანილი არ იყო, აქედან გამომდინარე ძარცვის ვერსია შსს-მ გუშინვე გამორიცხა.

აღსანიშნავია, რომ ოჯახის უფროსის დაკითხვა, დღეს დილით, 5 საათზე დასრულდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან